द हेल्पिंग हँड्स फॅमिली कडून अनोखी दिवाळी “स्नेहची दिवाळी – सर्वांच्या आनंदाची दिवाळी”

द हेल्पिंग हँड्स फॅमिली कडून अनोखी दिवाळी “स्नेहची दिवाळी – सर्वांच्या आनंदाची दिवाळी” उपक्रमाचा पहिला टप्पा यशस्वीरित्या संपन्न“द हेल्पिंग हँड्स फॅमिली” या सामाजिक संस्थेने दिवाळीच्या सणाचे औचित्य साधून गोर गरीब आणि वंचित बांधवांसाठी एक विशेष उपक्रम राबवला आहे. “स्नेहची दिवाळी – सर्वांच्या आनंदाची दिवाळी” या नावाने हा उपक्रम समाजातील गरजू आणि वंचित घटकांसाठी एक आनंदाचा क्षण ठरला.या उपक्रमाचा पहिला टप्पा वर्धा बस स्थानक आणि साई मंदिर, वर्धा येथे आयोजित करण्यात आला. यामध्ये गरजू लहान मुलांना दिवाळी साजरी करण्यासाठी अत्यावश्यक वस्तूंचे वाटप करण्यात आले. “द हेल्पिंग हँड्स फॅमिली” च्या स्वयंसेवकांनी वंचित मुलांपर्यंत जात त्यांना विविध प्रकारच्या वस्त्र, मिठाई आणि दिवाळीच्या अन्य साहित्याचे वितरण केले. याबरोबरच दीप प्रज्वलनाचे आयोजन करून आनंद आणि सकारात्मकता पसरवण्याचा प्रयत्न करण्यात आला.कार्यक्रमात सहभाग घेतलेल्या सदस्यांनी गरजूंशी संवाद साधला आणि त्यांना हक्काची दिवाळी साजरी करण्यासाठी पाठिंबा दिला. या उपक्रमामुळे समाजातील वंचित घटकांमध्ये एक आनंदाचे वातावरण निर्माण झाले. विशेषतः लहान मुलांच्या चेहऱ्यावर दिसणारा आनंद या उपक्रमाचे यश स्पष्टपणे दर्शवित होता.या कार्यक्रमाच्या माध्यमातून “द हेल्पिंग हँड्स फॅमिली” ने गरजू बांधवांसाठी एक हृदयस्पर्शी दिवाळी अनुभव घडवला आहे. समाजात एकोपा, आदर, आणि आपुलकीचा संदेश पसरवणारा हा उपक्रम स्थानिकांनीही उत्साहाने अनुभवला. अनेकांनी या उपक्रमाचे स्वागत केले आणि त्याला अधिकाधिक यशस्वी करण्यासाठी “द हेल्पिंग हँड्स फॅमिली” चे कार्यकरणी समितितील अभय लांबट,प्रीती लांबट, चेतन वरले ,नंदिनी वरले ,अनिकेत देवढे राहुल पवार ,शैलेश वाटेकर तसेच सदस्य सत्यप्रकाश जैस्वार,अमोल वरले,ज्योत्स्ना तेलंग,तुषार शास्त्रकार व इतर सदस्यांचे सहकार्य लाभले.या उपक्रमाचा दुसरा टप्पा लवकरच आयोजित केला जाणार आहे. यामध्ये आणखी ठिकाणी गरजूंना मदत पोहोचवली जाणार आहे. “ द हेल्पिंग हँड्स फॅमिली” ने दिलेल्या माहितीनुसार, समाजातील अधिकाधिक गरजू आणि वंचितांना याचा लाभ मिळवून देण्याचा त्यांचा संकल्प आहे. ज्या कुणाला काही मदत किंवा सहकार्य करायचे असेल त्यांनी कळवावे. संपर्क नंबर 9765038654,99756371351,9975444976,7507258631,8237921886.”स्नेहची दिवाळी – सर्वांच्या आनंदाची दिवाळी” या उपक्रमाच्या माध्यमातून “द हेल्पिंग हँड्स फॅमिली” ने समाजात एक आदर्श निर्माण केला आहे.